أبريل 18, 2021

احزاب نيوز

أحدث الأخبار

أحمد عز عن احتفالية المومياوات: نفذناه برقي أفضل من أجانب محترفين – مصر


أعرب الفنان أحمد عز، عن سعادته البالغة بمشاركته في احتفالية موكب نقل المومياوات أمس، من المتحف المصري بميدان التحرير إلى متحف الحضارة، مؤكدا أن وقوفه مع الدولة أمر أساسي وطبيعي وليس تكرم منه، «ده أمر طبيعي جدا، بعد ما نزلت من البيت وقابلت الناس كنت حاسس إنهم في حالة من السعادة والفخر».

ووصف «عز»، خلال تصريحات تليفزيونية، حفل المومياوات الملكية أمس، بفيلم مصري شاهده العالم أجمع، «ده تعبير عن مدى فرحتنا، اللي اتعمل لبلادنا العالم كله شافه من غير أي استعراض لقوة، طلعنا للعالم بحضارتنا وتاريخنا وثقافتنا، ده نجاح كبير جدا ويتزامن مع نجاح قناة السويس في تعويم السفينة الجانحة».

وأوضح الفنان، أنه كان فردا صغيرا من المنظومة الكبيرة التي قامت بعمل الاحتفالية الخاصة بالمومياوات الملكية، «ربنا يديم علينا الاستقرار والأمن والنجاح، باقي التيم عمل مجهودات جبارة، اللي اتعمل ده لو خواجات عالميين مش هيعملوه بالشياكة دي ولا بالرقي الفاخر ده، إحنا لما نعوز نعمل بنعمل».

وتابع: «الأمر كله يبقى أن فيه مايسترو، ووراه ناس عاوزه تعمل بجد، يعني مفيش فرد من منظومة احتفالية المومياوات الملكية من وقت التجهيزات لوقت العرض مكنش نفسه إننا نقدم أحلى عرض ونظهر أحلى شكل، والحمد لله مفيش حد قصر، ويارب من نجاح لنجاح، وانتصارات لانتصارات دايما».